Reykjanes Optikk
Reykjanes Optikk

Íþróttir

Arnór Ingvi til Norrköping í Svíþjóð
Ný mynd af Arnóri Ingva af heimasíðu Nörrköping - með eldgos í bakgrunni.
Páll Ketilsson
Páll Ketilsson skrifar
föstudaginn 12. ágúst 2022 kl. 00:12

Arnór Ingvi til Norrköping í Svíþjóð

„Ég er mjög sáttur og hlakka til að spila aftur með Norrköping,“ segir Arnór Ingvi Traustason en hann var kynntur sem nýr leikmaður hjá sænska knattspyrnufélaginu Norrköping í gær. Hann átti frábæra tíma hjá félaginu 2014-16 og var lykilmaður hjá liðinu þegar það vann tvöfalt, deild og bikar árið 2015.

Arnór Ingvi lék síðast í Boston í Bandaríkjunum með New England en þangað kom hann 2021 eftir að hafa orðið Svíþjóðarmeistari með Malmö 2020. Þar á undan lék Suðurnesjamaðurinn með AEK í Aþenu í Grikklandi, var hjá Rapid Vín 2016-17 en þangað kom hann frá IFK Nörrköping, þangað sem leið hans liggur aftur. 

„Nú er kominn tími til að snúa aftur og gefa til baka. Ég á margar góðar minningar frá veru minni hjá félaginu áður og vonast til að styrkja liðið á nýjan leik.“ segir Arnór Ingvi á heimasíðu félagsins.