Vilja malbik við golfvöll
Golfklúbbur Sandgerðis hefur óskað eftir því að Suðurnesjabær malbiki bílastæðin við félagsheimili klúbbsins við Kirkjubólsvöll.
Framkvæmda- og skipulagsráð Suðurnesjabæjar segir að ekki sé gert ráð fyrir þessari framkvæmd í fjárhagsáætlun næsta árs. Skipulags- og umhverfissviði er falið að meta kostnað við óskir Golfklúbbsins og leggja fyrir ráðið.
