Vetrarþjónusta í Reykjanesbæ: Hér geta íbúar nálgast sand

Umhverfismiðstöð Reykjanesbæjar vinnur nú hörðum höndum að snjómokstri og hálkuvörnum í sveitarfélaginu. Þar sem von er á hláku á næstu dögum eru íbúar hvattir til að huga að öryggi á sínum heimilislóðum, en bærinn býður íbúum upp á ókeypis sand til einkanota.

Forgangsröðun í mokstri

Ekki er mokað alls staðar í einu, heldur er fylgt ákveðinni forgangsröðun til að tryggja öryggi og flæði umferðar:

• 1. forgangur: Strætóleiðir, stofnbrautir og tengibrautir að neyðarþjónustu (sjúkrahús, lögregla, slökkvistöð).

• 2. forgangur: Götur að skólum og leikskólum, ásamt götum í brekkum.

• Húsagötur: Eru almennt ekki mokaðar nema þær teljist þungfærar.

Athugið: Íbúar bera sjálfir ábyrgð á að moka frá eigin innkeyrslum. Við hálkueyðingu á götum er eingöngu notast við salt í eins litlu magni og unnt er.

Sæktu sand í eigin ílát

Til að sporna við hálkuslysum við heimili fólks hefur Umhverfissvið komið fyrir sandhrúgum á níu stöðum í bænum. Íbúar geta mætt með fötur eða önnur ílát og sótt sér sand á eftirtalda staði:

1. Heiðarberg

2. Grófin 2 (neðra planið)

3. Reykjaneshöll (planið)

4. Umhverfismiðstöðin (Fitjabraut 1c)

5. Trönudalur 9

6. Stapabraut 1 (við Ramma)

7. Lindarbraut (milli 637-639)

8. Þjóðbraut (við Grænásbraut)

9. Hafnir (við félagsheimilið)

Ábendingar frá íbúum

Bærinn hvetur fólk til að vera virkt við að láta vita ef eitthvað út af bregður. Hægt er að senda ábendingar um snjómokstur eða hálku í gegnum ábendingagátt Reykjanesbæjar á vef sveitarfélagsins.