Reykjanes Optikk
Reykjanes Optikk

Fréttir

Undirrituðu samning um heilsueflandi samfélag
Kjartan Már Kjartansson bæjarstjóri Reykjanesbæjar og Birgir Jakobsson landlæknir undirrita samning um Heilsueflandi samfélag. Mynd af vef Reykjanesbæjar.
Miðvikudagur 5. október 2016 kl. 06:00

Undirrituðu samning um heilsueflandi samfélag

Kjartan Már Kjartansson, bæjarstjóri Reykjanesbæjar og Birgir Jakobsson, landlæknir, undirrituðu á mánudag samning þess efnis að Reykjanesbær verði aðili að verkefni embættis Landlæknis, Heilsueflandi samfélag. Í framhaldinu verður myndaður stýrihópur ýmissa hagsmunaaðila sem mun veita verkefninu brautargengi.

Reykjanesbær varð formlega aðili að Heilsueflandi samfélagi í upphafi Heilsu- og forvarnarviku sem nú stendur yfir. Á mánudag var einnig greint frá nýjum niðurstöðum Rannsóknar og greiningar á högum og líðan ungs fólks. Nánar verður skýrt frá niðurstöðunum síðar en könnunin, sem gerð hefur verið reglulega til margra ára, sýnir að kjör og líðan ungs fólks í Reykjanesbæ hafa batnað mikið á undanförnum árum.

Eftirfarandi felst í heilsueflingarstarfinu

• Markvisst er unnið með áhrifaþætti heilbrigðis.
• Heilsuefling er ferli sem gerir fólki kleyft að hafa aukin áhrif á heilsu sína og bæta hana

• Holla valið þarf að vera eins auðvelt og mögulegt er þar sem fólk býr, starfar og leikur sér (óháð aldri, kyni eða félagslegri stöðu).