Samningur um uppbyggingu og viðhald reiðstíga í Suðurnesjabæ
Suðurnesjabær og Hestamannafélagið Máni hafa gert samkomulag um samstarf um uppbyggingu og viðhald reiðstíga í Suðurnesjabæ.
Hestamannafélagið mun í samstarfi við Suðurnesjabæ annast uppbyggingu reiðstíga. Einnig mun félagið annast reglubundið viðhald reiðstíga, með það að markmiði að reiðstígar séu ávallt í öruggu og góðu ástandi fyrir notendur. Í samningnum eru ákvæði um ábyrgð hestamannafélagsins á framkvæmd og um gæðaeftirlit í samræmi við reiðvegahandbók Vegagerðarinnar.
Samningurinn gildir árið 2026 og skal endurskoðaður að þeim tíma liðnum. Sveitarfélagið veitir hestamannafélaginu styrk að fjárhæð kr. 1.000.000 vegna verkefnisins.
Magnús Stefánsson bæjarstjóri og Eiður Gils Brynjarsson formaður Hestamannafélagsins Mána undirrituðu samkomulagið fyrir hönd samningsaðila.
