Ný stúka vígð á Nesfisk-vellinum á föstudaginn

Knattspyrnufélagið Víðir í Garði mætir KH á föstudaginn klukkan 19:15 á Nesfisk-vellinum. Leikurinn verður sérstaklega hátíðlegur þar sem ný áhorfendastúka félagsins verður formlega vígð.

Félagið hvetur fólk til að mæta snemma, eða klukkan 18:15, og taka á móti nýju stúkunni saman.

Boðið verður upp á skemmtilega dagskrá fyrir alla fjölskylduna:

• Grillaðir Víðisborgarar verða á sínum stað frá klukkan 18:15.

• Blaðrarinn mætir og býr til blöðrur fyrir börnin.

• Börnum er velkomið að leiða leikmenn inn á völlinn fyrir leik.

• Öll börn eru hvött til að taka þátt í vítaspyrnukeppni í hálfleik.

Allir eru hvattir til að mæta á völlinn og styðja við bakið á sínum mönnum.