Danssigur DansKompaní í Dublin: Heimsmeistarar og verðlaunaregn!

Heimsmeistaramótið í dansi, Dance World Cup 2026, stendur nú yfir í Dublin á Írlandi og hafa dansarar frá DansKompaní í Reykjanesbæ farið hreinlega á kostum.

Eftir glæsilegan árangur í flokkum yngri keppenda (Mini og Children), þar sem 15 atriði komust í topp 10, tryggðu hóparnir á bak við Wonka’s Wonderland (höfundur Helga Ásta) og Munchkins (höfundar Helga Ásta, Laufey Soffía og raddþjálfari Hjördís Rós) sér heildarverðlaunin (overall awards) á stóru Grand Finals-hátíðinni. Alls lauk keppni yngri flokkanna með fjórum gullum, þremur silfrum og þremur bronsum, auk tveggja Gala-sigra.

Nú þegar eldri flokkarnir (Junior og Senior) hafa hafið keppni heldur sigursagan ótrauð áfram. Atriðið The Black Pearl eftir Helgu Ástu tryggði sér glæsilegan heimsmeistaratitil í flokknum Senior Large Group Showstopper með stórkostlegri frammistöðu og 95,9 stigum. Þá nældi atriðið GAGA eftir Hrafnhildi Unu sér í bronsverðlaun í afar sterkum commercial flokki.

Áður hafði hópurinn unnið til fjölda verðlauna á mótinu. Meðal heimsmeistara í gullvegi eru FartParty!, Mr. & Mrs. Smith og Look, allt eftir Helgu Ástu. Í silfursæti höfnuðu Bruce, The Sanderson Sisters og Funhouse, öll eftir Laufeyju Soffíu. Bronsverðlaun unnu einnig sólódansararnir Elísabet Rós (sem fékk „Golden Ticket“-boðsmiða) og Embla María, auk hópsins í Revolting Children.

Á bak við þennan sögulega árangur stendur öflugt teymi danshöfunda hjá DansKompaní: Helga Ásta Ólafsdóttir, Laufey Soffía Pétursdóttir, Hrafnhildur Una Magnúsdóttir og Ingibjörg Sól Guðmundsdóttir.

Enn er keppni í fullum gangi í Dublin og hægt er að fylgjast með beinu streymi á instreamairtv24.com/dwc-finals

Í rafrænum Víkurfréttum (sjá hér að neðan) má sjá umfjöllun um árangur DansKompaní á mótinu.
Nánar verður fjallað um árangurinn í fréttum hér á vf.is næstu daga.