Framtíðin björt í Keflavík: Fimm efnilegar semja til tveggja ára

Körfuknattleiksdeild Keflavíkur hefur gengið frá samningum við fimm ungar og bráðefnilegar körfuboltakonur sem munu leika með félaginu næstu tvö árin.

Allir leikmennirnir eru fæddir árið 2010.

Þessar skrifuðu undir samning við Keflavík:

• Heiðrún Lind Sævarsdóttir

• Kamilla Nótt Bergsveinsdóttir

• Lísbet Lóa Sigfúsdóttir

• Oddný Hulda Einarsdóttir

• Telma Lind Hákonardóttir
  
  „Það er óhætt að segja að framtíðin sé björt í Keflavík,“ segir í tilkynningu frá körfuknattleiksdeildinni sem fagnar þessum mikilvægu skrefum í uppbyggingu starfsins.