Loka fyrir heitt vatn á laugardag vegna viðhalds

HS Veitur tilkynna að loka þurfi fyrir heitt vatn í Ytri-Njarðvík, Keflavík og Suðurnesjabæ laugardaginn 1. nóvember kl. 18:00 vegna áframhaldandi viðgerða á stofnlögn við Njarðarbraut.

Fyrstu notendur ættu að fá heitt vatn aftur um miðnætti, en áætlað er að allir verði komnir með vatn um kl. 02:00 aðfaranótt sunnudags.

Íbúum er bent á að halda varma í húsum, loka gluggum og hurðum áður en lokunin hefst. HS Veitur fylgja málinu eftir og uppfæra upplýsingar á heimasíðu sinni og samfélagsmiðlum. Gagnvirkt kort er í boði fyrir þá sem vilja staðfesta hvort lokunin nái til þeirra.