Lögreglan í hörðum árekstri í Innri Njarðvík

Uppfært: 

Missti stjórn á lögreglubifreiðinni

Í dag kl. 13:02 varð árekstur tveggja ökutækja á Njarðvíkurvegi þar sem annað ökutækið var lögregluökutæki.

Ökumaður lögreglubifreiðarinnar missir stjórn á bifreiðinni og lendir framan á bifreið sem kom á móti. Bæði ökutæki eru óökufær og ökumenn og farþegi lögreglubifreiðarinnar hlutu minniháttar meiðsli.

Málið er á frumstigi og því engar frekari upplýsingar.

Fyrsta frétt af málinu: 

Lögreglubifreið og fólksbifreið eru óökufærar eftir harðan árekstur á Njarðvíkurvegi nærri hringtorgi á Stapabraut eftir hádegið í dag.

Ekki hafa fengist upplýsingar um hvað gerðist. Fjölmargir lögreglubílar voru á vettvangi, auk sjúkrabíls og tækjabifreiðar frá Brunavörnum Suðurnesja.

Fréttin verður uppfærð þegar upplýsingar fást um málsatvik.