Handleggsbrotnaði í fjórhjólaslysi

Erlendur ferðamaður handleggsbrotnaði í fjórhjólaslysi við Hópsnes í gær. Viðkomandi missti stjórn á hjólinu svo það valt með fyrrgreindum afleiðingum. Þetta er annað fjórhjólaslysið í umdæmi lögreglunnar á Suðurnesjum í vikunni. Í hinu fyrra var tvennt á hjólinu. Ökumaðurinn missti stjórn á því og valt það yfir þau. Fólkinu var komið undir læknis hendur en meiðsl ekki alvarleg.