Bílrúðuþjónustan
Bílrúðuþjónustan

Fréttir

Glæfraakstur með gult vinnuljós
Mánudagur 24. febrúar 2020 kl. 13:55

Glæfraakstur með gult vinnuljós

Sautján ára ökumaður varð uppvís að því um helgina að aka um með gult vinnuljós, sem hann hafði útvegað sér, á bifreið sinni. Að auki ók hann glæfralega og skapaði hættu í umferðinni. Lögreglumenn á Suðurnesjum ræddu alvarlega við hann og létu aðstandendur hans vita af tiltækinu.

Þá var umferðarskilti ekið niður í Keflavík og bifreið jafnframt stöðvuð, sem reyndist vera á skráningarnúmerum sem tilheyrðu annarri bifreið.

Átta ökumenn voru svo kærðir fyrir hraðakstur og nokkuð var um minni háttar umferðaróhöpp.