Fyrstu tölur úr Suðurnesjabæ: Samfylkingin með mest fylgi en jöfn D-lista í mönnum

Fyrstu tölur hafa verið birtar í Suðurnesjabæ og er útlit fyrir spennandi kosninganótt. Samfylkingin og óháðir (S-listi) leiða með flest atkvæði á þessum tímapunkti, en flokkurinn hefur hlotið 33,6% atkvæða.

Þrátt fyrir forskot Samfylkingarinnar í atkvæðafjölda, mælist flokkurinn sem stendur með jafnmarga fulltrúa og D-listinn og óháðir. Bæði Samfylkingin og Sjálfstæðismenn (D-listi) eru með þrjá fulltrúa inni miðað við þessa fyrstu uppgjöf.

Framsókn og óháðir (B-listi) fylgja fast á hæla þeirra með tvo fulltrúa (22,9%) og Miðflokkurinn (M-listi) er með einn fulltrúa inni (16,7%).

Mjótt á munum Mikil spenna er á milli efstu flokkanna tveggja, en samkvæmt útreikningum er D-listinn með síðasta manninn inni eins og sakir standa, en S-listinn er næstur því að hrifsa til sín fulltrúa.

Búið er að telja 1.054 atkvæði, en alls eru 3.152 á kjörskrá í Suðurnesjabæ. Enn á því eftir að telja stóran hluta atkvæða og getur staðan hæglega breyst þegar líður á nóttina.