Lokatölur úr Suðurnesjabæ: Samfylkingin stærst og bætir við sig manni
– Sjálfstæðisflokkurinn missir fulltrúa
Lokatölur liggja nú fyrir í Suðurnesjabæ og er ljóst að nokkrar breytingar verða á skipan bæjarstjórnar. Samfylkingin og óháðir (S-listi) fagna sigri, en flokkurinn er sá stærsti í sveitarfélaginu með 34,0% atkvæða og bætir við sig einum fulltrúa. S-listinn fær því þrjá fulltrúa inn af níu.
Sjálfstæðisflokkurinn og óháðir (D-listi) hljóta næstmest fylgi, eða 25,4%, en flokkurinn missir einn fulltrúa frá síðustu kosningum. D-listinn fær tvo menn kjörna, sem er jafnmargir og Framsókn og óháðir (B-listi) sem hljóta 22,5% fylgi en standa í stað með tvo fulltrúa.
Miðflokkurinn (M-listi) tryggir sér einnig tvo fulltrúa í lokatölunum með 18,0% fylgi.
Lokastaðan í bæjarstjórn (9 fulltrúar):
| Listi | Flokkur | Hlutfall (%) | Fulltrúar | Breyting |
| S | Samfylkingin og óháðir | 34,0% | 3 | +1 |
| D | D-listinn og óháðir | 25,4% | 2 | -1 |
| B | Framsókn og óháðir | 22,5% | 2 | 0 |
| M | Miðflokkurinn | 18,0% | 2 | +2 |
Kjörsókn í Suðurnesjabæ var 63,5%, en alls voru 3.152 á kjörskrá.
