Aðsent

Fyrsti skóladagur verður skipulagsdagur
Sunnudagur 2. janúar 2022 kl. 17:09

Fyrsti skóladagur verður skipulagsdagur

Nú hefst skólastarf senn á ný í leik- og grunnskólum eftir jólafrí. Í ljósi þess hve mörg Covid-19 smit eru í samfélaginu okkar, þá vil ég hvetja ykkur til að huga vel að öllum sóttvörnum og árétta að senda ekki börnin ykkar í skólann ef þau eru með einkenni. Þau ykkar sem hafa lagt land undir fót hugi enn fremur vel að þeim reglum sem gilda við landamærin á Íslandi.

Ákveðið hefur verið að fyrsti skóladagur eftir jólafrí (ýmist 3. eða 4. janúar hjá grunnskólum) verði skipulagsdagur í grunn- og leikskólum, í frístundastarfi og tónlistarskólanum. Þetta er gert til að gefa starfsfólki tækifæri til að laga starfsemina að aðstæðum í samfélaginu og gildandi reglugerð. Miðað við hraða á útbreiðslu Covid-19 má búast við að röskun geti orðið á starfsemi leikskóla, grunnskóla, frístundaheimila og tónlistarskóla á komandi dögum, en eins og áður verður reynt að leysa forföll eins og hægt er.

Public deli
Public deli

Eins og reynslan hefur sýnt okkur, þá hefur það mikil áhrif á skólastarf þegar upp koma smit hjá nemendum eða starfsfólki í skólum. Í kjöl­farið þurfa oft mörg börn og fjöl­skyld­ur þeirra að fara í sótt­kví sem er íþyngj­andi aðgerð sem rask­ar dag­legu lífi. Hægt er að minnka lík­urn­ar á því með því að fylgja leiðbeiningum og tilmælum sótt­varna­lækn­is og heilbrigðisyfirvalda í hvítvetna og gæta ítrustu sóttvarna.

Með ósk um gleðilega hátíð og farsælt nýtt ár.

Kjartan Már Kjartansson bæjarstjóri.
Helgi Arnarson sviðsstjóri fræðslusviðs.