Nýr Kia EV5 frumsýndur
Nýr og alrafmagnaður Kia EV5 verður frumsýndur hjá Öskju Reykjanesi nk. laugardag, 28. febrúar, kl. 12-16. EV5 kemur með allt að 530 km drægni og er einnig væntanlegur fjórhjóladrifinn.
„EV5 er bæði góð og mikilvæg viðbót við rafmagnað úrval hér á landi því hann er í vinsælasta stærðarflokki okkar íslendinga. EV5 hentar vel fyrir íslenskar aðstæður enda með góða veghæð ásamt rúmgóðu innanrými fyrir alla fjölskylduna,“ segir Kristmann F. Dagsson, framkvæmdastjóri sölusviðs Öskju.



