Reykjanesbær Vatnsnesvegur
Reykjanesbær Vatnsnesvegur

Mannlíf

Bý til svo góða kartöflumús að hún gæti verið aðalréttur
Miðvikudagur 8. júlí 2020 kl. 07:58

Bý til svo góða kartöflumús að hún gæti verið aðalréttur

Ástþór Sindri Baldursson verður 25 ára á næsta leyti og fæddur og uppalinn í Keflavík. Hann starfar sem verktaki í hinum ýmsu verkefnum en segir að draumastarfið sé að verða sjálfstætt starfandi húsgagnasmiður. Ef hann gæti farið aftur í tímann færi hann til ársins 874 til að taka á móti Ingólfi Arnarssyni og að DJ-a er það eina með vissu sem hann getur betur en aðrir fjölskyldumeðlimir. Ástþór svaraði nokkrum spurningum blaðamanns Víkurfrétta.

– Nafn:

Ástþór Sindri Baldursson.

– Fæðingardagur:

20. júní 1995.

– Fjölskylduhagir:

Bý með kærustu (búum heima hjá mömmu og pabba en við þurfum ekkert að tala um það).

– Búseta:

Keflavík City.

– Hverra manna ertu og hvar upp alin?

Uppalinn í Keflavík af Balla Guðmunds og Tobbu Guðna.

– Starf/nám:

Eins og er er ég bara að vinna sem verktaki í hinu og þessu.

– Hvernig nemandi varstu í grunnskóla?

Alveg óþolandi.

– Hvernig voru framhaldsskólaárin?

Ég hafði gaman en hefði mátt læra meira.

– Hvað er þitt draumastarf?

Sjálfstætt starfandi húsgagnasmiður.

– Hver var fyrsti bíllinn þinn?

Hyuandai Accent, hann var á svipuðum aldri og ég.

– Hvernig bíl ertu á í dag?

Engum.

– Hver er draumabíllinn?

Tesla Cybertruck.

– Hvert var uppáhaldsleikfangið þitt þegar þú varst krakki?

Gamli bangsi, á hann ennþá í dag.

– Besti ilmur sem þú finnur:

Góður harðviður.

– Hvernig slakarðu á?

Tebolli og bók klikkar seint.

– Hver var uppáhaldstónlistin þín þegar þú varst u.þ.b. sautján ára?

Minnir að ég hafi hlustað mikið á Prog Metal en var að hallast að hip hopi.

– Uppáhaldstónlistartímabil?

Late 90’s/Early 00’s-popp er algjört gull.

– Hvaða tónlist fær þig til að sperra eyrun þessa dagana?

Það er ekkert sem ég er ekki til að hlusta á.

– Hvers konar tónlist var hlustað á á þínu heimili?

Það var ekkert off limits, allt frá Atreyu til Zeppelin.

– Leikurðu á hljóðfæri?

Já, nokkur. Aðallega bassa og gítar.

– Er einhver tónlist sem þú skammast þín fyrir að fíla, svona guilty pleasure?

Það er bannað að skammast sín fyrir hluti sem maður fílar.

– Horfirðu mikið á sjónvarp og hvernig?

Ég innbyrði mikið af Netflix-efni.

– Hverju missirðu helst ekki af í sjónvarpinu?

It’s Always Sunny in Philadelphia.

– Besta kvikmyndin?

Blade Runner.

– Hver er uppáhaldsbókin þín og/eða rithöfundur?

Good Clean Fun.

– Hvað gerir þú betur en allir aðrir á þínu heimili?

Eina sem ég get sagt með vissu er að DJ-a.

– Hvert er snilldarverkið þitt í eldhúsinu?

Ég bý til svo góða kartöflumús að hún gæti verið aðalréttur.

– Hvernig er eggið best?

Steikt sunny side up.

– Hvað fer mest í taugarnar á þér í fari þínu?

Ég er alltof óþolinmóður.

– Hvað fer mest í taugarnar á þér í fari annarra?

Óákveðni.

– Uppáhaldsmálsháttur eða tilvitnun:

All those moments will be lost in time, like tears in rain.

– Hver er elsta minningin sem þú átt?

Ég var að reyna að ná athygli mömmu á meðan hún var að vaska upp.

– Orð eða frasi sem þú notar of mikið:

Byrjaði nýlega að nota BÆNG alltof mikið.

– Ef þú gætir farið til baka í tíma, hvert færirðu?

Árið 874, taka á móti Ingólfi Arnars.

– Hver væri titillinn á ævisögu þinni?

Er þetta eitthvað sniðugt?

– Þú vaknar einn morgun í líkama frægrar manneskju og þarft að dúsa þar einn dag. Hver værirðu til í að vera og hvað myndirðu gera?

Donald Trump, ég myndi segja af mér.

– Hvaða þremur persónum myndir þú bjóða í draumakvöldverð?

Kanye West, Nick Offerman og Elon Musk.

– Hvernig hefur þú verið að upplifa árið 2020 hingað til?

Fín upplifun miðað við ástand.

– Er bjartsýni fyrir sumrinu?

Já, ég held að þetta verði frekar næs.

– Hvað á að gera í sumar?

Ég ætla að verða 25 ára.

– Ef þú gætir hoppað upp í flugvél og réðir hvert hún færi, þá færirðu ...

... til Frakklands að hitta kærustuna og tengdó.