Sjálfstæðisflokkurinn 13. - 26. sept
Sjálfstæðisflokkurinn 13. - 26. sept

Íþróttir

Víðismenn komnir í gang
Jóhann Þór Arnarson skoraði seinna mark Víðis í gær. Mynd af Facebook-síðu Víðis
Jóhann Páll Kristbjörnsson
Jóhann Páll Kristbjörnsson skrifar
fimmtudaginn 29. júlí 2021 kl. 13:53

Víðismenn komnir í gang

Víðismenn unnu þriðja leikinn af síðustu fjórum í þriðju deild karla í knattspyrnu þegar þeir mættu ÍH á heimavelli sínum í gær.

Atli Freyr Ottesen Pálsson kom Víði yfir á þriðju mínútu og var það eina mark fyrri hálfleiks.

Í upphafi síðari hálfleiks tvöfaldaði Jóhann Þór Arnarson forystu heimamanna (47') og sú staða hélst þar til á lokamínútu leiksins að ÍH minnkaði muninn í 2:1 (90') en lengra komust þeir ekki og annar sigur Víðis í röð staðreynd.

Viðreisn
Viðreisn

Víðir situr í sjöunda sæti þriðju deildar með nítján stig en það er töluverður spölur í sæti til að komast upp, KFG situr í öðru sæti með 25 stig og á leik til góða.