Keflavík karfa
Keflavík karfa

Íþróttir

Njarðvík tapaði í Njarðtaks-Ljónagryfjunni
Logi Gunnarsson var bestur í döpru Njarðvíkurliði sem tapaði fyrir Stólunum. VF-myndir/pket.
Páll Ketilsson
Páll Ketilsson skrifar
fimmtudaginn 10. október 2019 kl. 22:44

Njarðvík tapaði í Njarðtaks-Ljónagryfjunni

Njarðvíkingar voru ekki upp á sitt besta í Ljónagryfjunni þegar þeir töpuðu fyrir Tindastóli í Domino’s deildinni í körfu karla í kvöld. Stólarnir voru 8 stigum yfir þegar leik lauk og lokatölur urðu 75-83. Njarðvíkingar unnu í fyrstu umferðinni en þurftu að lúta í gras núna gegn Stólunum sem Keflvíkingar unnu í fyrstu umferðinni. Njarðvík heimsækir Keflavík í næstu umferð og það verður án efa spennandi.

Stólarnir gerðu eiginlega út um leikinn í þriðja leikhluta en Njarðvíkingar réðu ekkert við Gerald Simmons sem skoraði nánast að vild. Logi Gunnarsson, aldursforseti UMFN, skoraði 20 stig og var bestur Njarðvíkinga. Hann var samt ekki ánægður með liðið í viðtali við Stöð 2 eftir leikinn. Mario M. var með 14 stigh og Kristinn Pálsson var með 13 stig.

Ljósmyndastofa Oddgeirs - Barna
Ljósmyndastofa Oddgeirs - Barna