Jafnt í Njarðvík
Grindavík/Njarðvík og Víkingur skyldu jöfn, 1-1, í Bestu deild kvenna á JBÓ vellinum í Njarðvík í kvöld.
Eftir markalausan fyrri hálfleik mættu heimakonur öflugar til leiks í þeim síðari. Á 58. mínútu dró til tíðinda. Hildur Katrín Snorradóttir fékk þá boltann fyrir utan vítateig og lagði hann snyrtilega á Maci Nicole Teater, sem lét vaða við vítateigsbogann og skoraði.
Grindavík/Njarðvík hélt áfram að sækja og virtist líklegra til þess að bæta við marki. En gegn gangi leiksins slapp Freyja Stefánsdóttir ein í gegnum vörn heimakvenna og setti boltann í stöngina og inn, og tryggði Víkingum dýrmætt stig.
Grindavík/Njarðvík - Víkingur (1-1) // Besta deild kvenna 23. júní 2026
