Erna og Þorsteinn best í meistaramóti Púttklúbbsins

Þrjátíu púttarar í Púttklúbbi Suðurnesja mættu á árlegt meistaramót klúbbsins sem haldið var á Mánaflöt í Keflavík í síðustu viku.

Mótið stóð yfir í þrjá daga og leiknar voru 36 holur á dag. Tilþrif voru skemmtileg og ljóst að margir eru orðnir flinkir með pútterana.

Hjónin Erna og Þorsteinn Geirharðsson sigruðu en leikið var í kvenna- og karlaflokki. Verðlaunaafhending var að loknu mótinu á Nesvöllum en styrktaraðili mótsins var Landsbankinn.