Umfangsmikil hópslysaæfing í Reykjanesbæ í dag

Viðbragðsaðilar á Suðurnesjum munu standa fyrir mikilli hópslysaæfingu í dag, laugardaginn 2. maí. Æfingin er liður í að tryggja viðbúnað og samhæfingu björgunarsveita, lögreglu, slökkviliðs og heilbrigðisstarfsfólks á svæðinu.

Tímasetningar og staðsetning

Æfingin hefst klukkan 11:00 og áætlað er að henni ljúki um klukkan 14:00.

Til þess að æfingin endurspegli raunverulegar aðstæður sem best, verður hún að hluta framkvæmd í og við Heilbrigðisstofnun Suðurnesja (HSS). Vegna þessa má búast við fjölda viðbragðsaðila og tækja á HSS og nærliggjandi svæðum á meðan á æfingunni stendur.

Götulokanir og umferðartafir

Íbúar og vegfarendur eru beðnir um að sýna aðgát og þolinmæði þar sem búast má við auknum umferðarhraða og forgangsakstri viðbragðsaðila.

Vakin er athygli á því að búast má við lokunum á svæðum í og við:

• Gróf

• Ægisgötu

• Keflavíkurhöfn

Samstarf margra aðila

Að æfingunni standa fjölmargir aðilar undir stjórn Aðgerðastjórnar Suðurnesja, þar á meðal:

• Lögreglan á Suðurnesjum

• Landhelgisgæsla Íslands

• Brunavarnir Suðurnesja

• Rauði krossinn á Íslandi

• Landsbjörg

• Heilbrigðisstofnun Suðurnesja (HSS)

Viðbragðsaðilar biðjast velvirðingar á þeim truflunum sem æfingin kann að valda, en hún er nauðsynlegur liður í að tryggja öryggi íbúa á Suðurnesjum.