Um 800 manns að störfum í Grindavík í byrjun október

Samkvæmt nýrri könnun sem framkvæmd var af atvinnuteymi Grindavíkurbæjar þann 8. október sl. voru um 800 manns að störfum í Grindavík þann dag. Könnunin var framkvæmd til að öðlast betri innsýn í umfang atvinnurekstrar í bænum. Fyrirtæki sem vitað var að væru með starfsemi í Grindavík fengu senda könnun, og í kjölfarið var haft samband símleiðis við þau sem ekki höfðu svarað. Þetta kemur fram á vef Grindavíkurbæjar.

	8.10.2025	26.6.2025	19.3.2025	19.2.2025	15.1.2025
Ferðaþjónusta og veitingar	357	348	334	342	330
Sjávarútvegur og tengd starfsemi	245	231	229	222	246
Eldi á fiski o.fl. (lagareldi)	36	38	33	33	28
Iðnaður og þjónusta	138	135	129	126	130
Opinber starfsemi	22	21	24	24	26
Alls	798	773	749	747	760
Breyting frá fyrri mánuði	25	24	2	-13
Hlutfallsbr. frá fyrri mánuði	3,28%	3,2%	0,3%	-1,7%
Uppsöfnuð breyting frá 15.01.2025	5,0%

Eingöngu fyrirtæki með starfsemi í Grindavík

Könnunin náði eingöngu til þeirra starfsmanna sem mæta til vinnu í Grindavík, en ekki þeirra sem vinna fyrir grindvísk fyrirtæki utan sveitarfélagsins. Einnig eru starfsmenn fyrirtækja með skráð aðsetur utan Grindavíkur ekki taldir með, svo sem verktakar sem vinna við varnargarða eða utanaðkomandi þjónusta fyrir fyrirtæki í sjávarútvegi.