Bygg
Bygg

Fréttir

Ökumaður undir áhrifum fíkniefna með hníf og hnúajárn í bílnum
Föstudagur 17. september 2021 kl. 12:20

Ökumaður undir áhrifum fíkniefna með hníf og hnúajárn í bílnum

Ökumaður sem lögreglan á Suðurnesjum tók úr umferð í nótt vegna gruns um fíkniefnaakstur reyndist vera með hníf, hnúajárn og lyf í bifreið sinni. Sýnatökur staðfestu neyslu fíkniefna. Sami ökumaður hafði verið tekinn úr umferð í gærmorgun af sömu sökum.  Í bifreið hans þá fann lögregla meint fíkniefni.

Annar ökumaður, grunaður um fíkniefnaakstur fyrr í vikunni, reyndist vera með kannabisefni og neyðarblys í bifreið sinni.  Hann hafði áður verið sviptur ökuréttindum ævilangt.

Þriðji ökumaðurinn var grunaður um akstur undir áhrifum kannabisefna. Hann var með kannabis í fórum sínum.

Átta ökumenn voru kærðir fyrir of hraðan akstur í vikunni og tveir til viðbótar óku sviptir ökuréttindum.

Fáein umferðaróhöpp voru skráð en engin slys urðu á fólki.