Ný sundlaug í Stapaskóla opnar í dag
– opnunarhátíð klukkan 16:00
Ný almenningssundlaug opnar í dag í Stapaskóla og öll eru hjartanlega velkomin að taka þátt í opnunarhátíð sem fer fram kl. 16:00.
Nýja sundlaugin er 25 metra löng og hentar bæði til íþróttaiðkunar og almennrar sundiðkunar. Utandyra býður hún upp á rúmgott pottasvæði með heitum og köldum pottum, auk gufubaðs og infrarauðs klefa sem stuðla að betri heilsu og vellíðan.
Dagskrá opnunarhátíðarinnar:
- Bæjarstjóri Reykjanesbæjar flytur ávarp
- Klippt verður á borða
- Börnin fá að stökkva fyrst í laugina
- Kaffi, djús og kaka í boði fyrir gesti
- Laugin opnar fyrir almenning kl. 17:00 og verður opin til 21:30 í kvöld.
Þetta er stór áfangi í uppbyggingu íþróttamannvirkja í bæjarfélaginu og á nýja sundlaugin eftir að verða mikilvæg viðbót fyrir íþróttastarf, skólastarf og almenna heilsueflingu íbúa á öllum aldri, segir á vef Reykjanesbæjar.
