Jóna Björg 96 ára hefur kosið í öllum kosningum frá árinu 1950

Einn elsti kjósandinn í þessum sveitarstjórnarkosningunum í ár, Jóna Björg Georgsdóttir frá Brekku í Ytri Njarðvík mætti á kjörstað með barnabarni sínu í Fjölbrautaskóla Suðurnesja á kosningadaginn. Jóna Björg sem er 96 ára hefur kosið í öllum sveitarstjórnarkosningum frá árinu 1950 en þá var hún tvítug.

Með Jónu Björgu var Hildigunnur Eir Kristjánsdóttir, 18 ára sonardóttir hennar en Hildigunnur var ekki bara að kjósa í fyrsta sinn heldur var hún líka á framboðslista Viðreisnar í Reykjanesbæ og hefur líklega fengið atkvæði frá ömmu sinni.