Guðjón Þorgils heiðraður í FS
Guðjón Þorgils Kristjánsson var heiðraður á sal Fjölbrautaskóla Suðurnesja í hádeginu í dag en hann fór með sigur af hólmi í Söngkeppni framhaldsskólanna um helgina, eins og greint hefur verið frá hér á vef Víkurfrétta.
Kristján Ásmundsson skólameistari afhenti Guðjóni blómvönd ásamt fulltrúum nemendafélagsins NFS og að því loknu klöppuðu viðstaddir og fögnuðu sigurvegaranum.
Guðjón er 18 ára Sandgerðingur sem er á 2. ári í skólanum. Hann vann Hljóðnemann, söngkeppni NFS, í janúar og vann sér þar með keppnisrétt í framhaldsskólakeppninni. Áður hafði Guðjón unnið Söngkeppni Samfés árið 2024.
