Fimm Suðurnesjastelpur í eldlínunni á EM

U18 ára landslið kvenna í körfubolta hefur leik í B-deild EuroBasket í Tulcea í Rúmeníu næstkomandi laugardag, 1. ágúst. Suðurnesin eiga stóran hlut í liðinu að þessu sinni en fimm leikmenn úr Grindavík og Njarðvík eru í 12 manna hópnum.

Fulltrúar okkar á mótinu eru þær:

Hulda María Agnarsdóttir (Njarðvík)

Inga Lea Ingadóttir (Njarðvík)

Kristín Björk Guðjónsdóttir (Njarðvík)

Sara Björk Logadóttir (Njarðvík)

Þórey Tea Þorleifsdóttir (Grindavík)

Spila í A-riðli

Alls taka 20 þjóðir þátt í B-deildinni og er Ísland í A-riðli ásamt Portúgal, Aserbaídsjan, Rúmeníu og Hollandi. Alls taka 43 þjóðir þátt í U18 EuroBasket í ár skipt í A-, B- og C-deildir.

Dagskrá Íslands í riðlakeppninni (á íslenskum tíma):

Laugardaginn 1. ágúst kl. 15:30: Ísland – Rúmenía

Sunnudaginn 2. ágúst kl. 10:30: Ísland – Portúgal

Þriðjudaginn 4. ágúst kl. 10:30: Ísland – Holland

Miðvikudaginn 5. ágúst kl. 13:00: Ísland – Aserbaídsjan

Föstudaginn 7. ágúst hefst svo útsláttarkeppni og umspil um sæti (9.–20. sæti), en mótinu lýkur sunnudaginn 9. ágúst.

Hópurinn og þjálfun

Þjálfari liðsins er Emil Barja og honum til aðstoðar eru þær Margrét Ósk Einarsdóttir og Anna Fríða Ingvarsdóttir.

Allur hópurinn er þannig skipaður:
Arnheiður Ólafsdóttir (Haukar), Berta María Þorkelsdóttir (Valur), Brynja Benediktsdóttir (Ármann), Harpa Karítas Kjartansdóttir (Fjölnir), Hulda María Agnarsdóttir (Njarðvík), Inga Lea Ingadóttir (Njarðvík), Katla Guðjónsdóttir (Fjölnir), Kristín Björk Guðjónsdóttir (Njarðvík), Rebekka Rut Steingrímsdóttir (KR), Sara Björk Logadóttir (Njarðvík), Sigrún Sól Brjánsdóttir (Stjarnan) og Þórey Tea Þorleifsdóttir (Grindavík).

Aðgengi að leikjum og upplýsingum:

Beint streymi, lifandi tölfræði og dagskrá má finna á opinberri heimasíðu FIBA U18.

Reglulegar uppfærslur og myndir frá liðinu birtast á Facebook-síðu KKÍ og á kki.is.