Endurbætur framundan í Duus safnahúsum

Stjórn eignasjóðs Reykjanesbæjar hefur samþykkt að ráðast í endurbætur á Duus safnahúsum á yfirstandandi ári. Ákvörðunin var tekin á fundi stjórnar þann 26. mars síðastliðinn, en markmiðið með framkvæmdunum er að bæta vinnuaðstöðu starfsfólks og tryggja betra aðgengi að húsnæðinu.

Samkvæmt samþykkt stjórnar verður farið í úrbætur á starfsmannaaðstöðu strax á árinu 2026. Samhliða því hefur deildarstjóra eignaumsýslu verið falið að vinna að útfærslu á lausnum sem bæta aðgengismál safnahúsanna til framtíðar. Með þessum breytingum er stefnt að því að gera þetta mikilvæga menningarhús bæði vistvænna fyrir starfsfólk og aðgengilegra fyrir alla gesti.