max
max

Fréttir

77 kaupsamningar í júlí á Suðurnesjum
Páll Ketilsson
Páll Ketilsson skrifar
föstudaginn 9. ágúst 2019 kl. 09:51

77 kaupsamningar í júlí á Suðurnesjum

Fjöldi þinglýstra kaupsamninga um fasteignir á Reykjanesi voru 77 í júlí. Heildarveltan var 2,8 milljarðar og meðalupphæð á samning 36,1 milljón króna.

Af þessum 77 samningum voru 59 um eignir í Reykjanesbæ. Þar af voru 37 samningar um eignir í fjölbýli, 20 samningar um eignir í sérbýli og 2 samningar um annars konar eignir. Heildarveltan var 2.135 milljónir króna og meðalupphæð á samning 36,2 milljónir króna.

Meðalupphæð samninga á Reykjanesi var aðeins hærri en í öðrum landshlutum að Vesturlandi undanskildu. Þjóðskrá Íslands, sem gefur út þessar tölur vekur þó athygli á því að meðalupphæð samsamnings sé ekki hægt að túlka sem meðalverð eigna og þar með vísbendingu um verðþróun. Kaupsamningur geti falið í sér sölu fleiri en eina eign og fleira. Hér eru þó tölurnar úr júlí:

Reykjanes 36,1 mkr.

Norðurland 32,6 mkr.

Austurland 19,7 mkr.

Suðurland 35,7 mkr.

Vesturland 37,8 mkr.

Vestfirðir 24 mkr.

Ljósmyndastofa Oddgeirs
Ljósmyndastofa Oddgeirs