Réttað í Þórkötlustaðarétt á sunnudag

Haustið er mætt með öllum sínum hefðbundnu litum og venjum, en á sunnudaginn kemur, 20. september, verður haldið í eina af skemmtilegri hausthefðum svæðisins þegar réttað verður í Þórkötlustaðarétt. Dagskráin hefst klukkan 14:00.

Réttardagurinn er fastur og kærkominn liður í lífi þeirra sem fylgjast með landbúnaði og sveitalífi. Þar koma saman íbúar og gestir til að fylgjast með þegar féð er rekið í réttina og dregið í dilka með tilheyrandi kátínu, köllum og hauststemningu.

Öll eru velkomin til að mæta, upplifa réttarstemninguna milliliðalaust og fylgjast með þessari gömlu og góðu íslensku hefð.