Blásið til þorrablóts í Garði
Blásið hefur verið til þorrablóts Suðurnesjamanna í Garði 21. janúar 2023. Þetta er fyrsta þorrablótið í Garðinum síðan 2020 en veislan féll niður á síðasta ári vegna heimsfaraldurs kórónuveirunnar.
Eva Ruza verður veislustýra en fram koma Ragga Gísla, Jóhanna Guðrún, Herra Hnetusmjör og fleiri.
Múlakaffi sér um matinn í ár en í boði verður þorramatur, steik og vegan.
Forsala á Þorrablót Suðurnesjamanna verður 5. desember en það er knattspyrnufélagið Víðir sem stendur að þorrablótinu að þessu sinni.