Síðasti heimaleikur Keflavíkurkvenna á sunnudag

Á sunnudag tekur Keflavík á móti ÍBV í næstsíðustu umferð Bestu deildar kvenna í knattspyrnu og síðasta heimaleik Keflvíkinga í ár. Leikurinn hefst klukkan 14 á HS Orkuvellinum.

Keflavík er í áttunda sæti með sextán stig og með sigri tryggir liðið áfram sæti sitt í deild þeirra bestu en Afturelding er fjórum stigum á eftir Keflavík í níunda sæti.

Keflavík hvetur stuðningsmenn til að fjölmenna á völlinn á sunnudag og styðja við bakið á stelpunum.