Bláa Lónið - 01apíl.
Bláa Lónið - 01apíl.

Íþróttir

Keflavíkurstúlkur rúlluðu yfir KR
Natasha Moraa Anasi skoraði tvö mörk og átti góðan leik. VF-myndir/hilmarbragi.
Páll Ketilsson
Páll Ketilsson skrifar
föstudaginn 7. júní 2019 kl. 09:41

Keflavíkurstúlkur rúlluðu yfir KR

Keflavíkurstúlkur unnu sinn fyrsta sigur á árinu í Pepsi-deildinni í knattspyrnu þegar þær gerðu góða ferð í Vesturbæinn í Reykjavík í gærkvöldi. Keflavík skoraði 4 mörk gegn engu hjá KR en liðin eru að berjast á botni deildarinnar.

Keflavíkurstúlkur voru miklu betri allan tímann en þær skoruðu þrjú mörk á 11 mínútum í fyrri hálfleik. Anita Lind Daníelsdóttir kom þeim á bragðið með marki beint úr hornspyrnu. Sophie Mc Mahon Groff bætti við öðru marki og síðan skalla Natasha Moraa Anasi í mark KR og kom liðinu í 0:3. Hún bætti svo við marki í síðari hálfleik og niðurstaðan því 0:4 fyrir Keflavík.

Public deli
Public deli

Baráttan var allsráðandi hjá Keflavík og liðið sýndi að tap í fyrstu fimm leikjunum segir ekki allt. Sveindís Jane Jónsdóttir átti frábæran leik þó hún hafi ekki skorað.

Með sigrinum komst Keflavík á blað og er nú með 3 stig eins og KR en fjögur lið eru með 6 stig.

Grindavíkurstúlkur unnu FH í Inkasso-deildinni og eru í 3.-4. sæti. Þær unnu FH 2:1 í Grindavík í gær. Þær hafa unnið tvo leik, gert eitt jafntefli og tapað einum leik.

Sveindís Jane átti flottan leik með Keflavík.