Jónína fór holu í höggi í Portúgal

Það voru fagnaðarlæti á Gramacho golfvellinum í Portúgal á dögunum þegar Jónína Magnúsdóttir, kylfingur úr Golfklúbbi Sandgerðis, leysti draum hvers kylfings og fór holu í höggi.

Jónína var við leik ásamt eiginmanni sínum og vinahjónum þegar hún kom að 10. teig vallarins. Hún greip til 5-trésins og átti draumahögg; boltinn sveif hátt í átt að flötinni, lenti fallega og rúllaði beint ofan í holuna við mikinn fögnuð viðstaddra.

Fyrsta „draunahöggið“

Þetta er í fyrsta sinn sem Jónína fer holu í höggi, en hún smitaðist af golfbakteríunni fyrir nokkrum árum. Síðan þá hafa þau hjónin, Jónína og Guðni, verið iðin við spilamennskuna og eru þau fastagestir á velli Golfklúbbs Sandgerðis heima í Suðurnesjabæ.

Frá stjórnmálum yfir í golfið?

Jónína er vel þekkt í samfélaginu á Suðurnesjum, bæði sem mannauðsstjóri hjá Blue Car Rental og sem ötull talsmaður í bæjarpólitíkinni í Suðurnesjabæ.

Þótt pólitíkin hafi tekið sinn tíma undanfarið, hafa heyrst háværar sögur um að Jónína ætli að verja meiri tíma á golfvellinum í náinni framtíð. Miðað við árangurinn í Portúgal er ljóst að formið er til staðar og metnaðurinn fyrir íþróttinni mikill.

Hér má sjá umfjöllun og fleiri myndir á kylfingur.is