Vilja endurskoða fjárhæð íþrótta- og afrekssjóðs
Íþrótta- og tómstundaráð Suðurnesjabæjar telur mikilvægt að endurskoða fjárhæð Íþrótta- og afrekssjóðs bæjarins við gerð næstu fjárhagsáætlunar. Tilefnið er fjölgun umsókna í sjóðinn.
Ráðið fagnar auknum fjölda umsókna og góðum árangri íþróttafólks úr Suðurnesjabæ. Ekki kemur fram hversu mikið umsóknum hefur fjölgað eða hvaða fjárhæð ráðið telur að sjóðurinn þurfi. Ákvörðun um breytingu á fjárhæð hans hefur ekki verið tekin.
