Reykjanesbær tekur við Vatnsholtinu

Reykjanesbær hefur tekið við umsjón útivistarsvæðisins í Vatnsholti af Skógræktarfélagi Suðurnesja. Félagið hefur ræktað og sinnt svæðinu af miklum myndarskap undanfarna áratugi og gert það að einum vinsælasta útivistarstað bæjarins.

Í tilefni af yfirtökunni stóð Reykjanesbær fyrir íbúakönnun til að kortleggja nýtingu og framtíðarsýn fólksins í bænum fyrir svæðið. Alls tóku 364 íbúar þátt og voru niðurstöðurnar afar skýrar.

Mikið notað til hversdagslegrar útivistar

Niðurstöður könnunarinnar sýna svart á hvítu hve mikilvægt Vatnsholtið er íbúum:

• 12% svarenda heimsækja svæðið daglega.
• 70% fara þangað vikulega eða mánaðarlega.
• Flestir nota svæðið til að ganga, njóta náttúrunnar og eiga gæðastundir með fjölskyldu og vinum.

Þegar spurt var um framtíðina var vilji íbúa afgerandi: Langflestir vilja að svæðið haldi einkenni sínu sem skógi vaxið útivistarsvæði, en með bættu aðgengi og fjölbreyttari aðstöðu til leikja og hvíldar.

Framkvæmdir hefjast í haust

Reykjanesbær mun spretta úr sporunum í haust og hefja skipulags- og undirbúningsvinnu sem byggir beint á röddum íbúanna.

Helstu áherslur í uppbyggingunni verða:

• Bætt aðgengi og lagning nýrra stíga.
• Fjölgun áningarstaða og samverusvæða.
• Bætt lýsing og nauðsynleg grisjun skógarins.

Lagður er ríkur þungi á að vandað verði til verka; núverandi skóglendi verður raskað sem minnst og byggt verður á þeim trausta grunni sem Skógræktarfélagið hefur lagt í gegnum árin.