Bæjarstjórn Voga komin í sumarleyfi

Bæjarstjórn Sveitarfélagsins Voga hefur samþykkt að fara í sumarleyfi og mun leyfið standa yfir næstu tvo mánuðina. Næsti reglulegi fundur bæjarstjórnar verður ekki fyrr en í byrjun september.

Á fundi bæjarstjórnar var lögð fram og samþykkt samhljóða tillaga þess efnis að sumarleyfi bæjarstjórnar verði frá 1. júlí til 31. ágúst 2026. Tillagan er byggð á 8. grein samþykktar um stjórn sveitarfélagsins.

Bæjarráð fer með stjórnina í sumar

Þó að bæjarstjórnin sé komin í leyfi leggst stjórnsýslan í Vogum ekki af. Á meðan á sumarleyfinu stendur hefur bæjarráð heimild til fullnaðarafgreiðslu mála. Sú heimild byggir á ákvæðum í samþykktum sveitarfélagsins ásamt vísan í sveitarstjórnarlög nr. 138/2011 og tryggir að hægt sé að bregðast við og afgreiða brýn erindi sem upp kunna að koma á sumarmánuðunum.

Líkt og áður segir lýkur leyfinu í lok ágúst og er næsti fundur bæjarstjórnar Sveitarfélagsins Voga áætlaður þriðjudaginn 1. september næstkomandi.