Minningardagur fórnarlamba umferðarslysa við Ytri-Njarðvíkurkirkju á sunnudag

Á sunnudag, 16. nóvember, verður alþjóðlegur minningardagur fórnarlamba umferðarslysa haldinn hátíðlegur við Ytri-Njarðvíkurkirkju í Reykjanesbæ. Athöfnin hefst kl. 14:00 en þátttakendur eru hvattir til að mæta tímanlega, eða upp úr kl. 13:40.

Sameinuðu þjóðirnar hafa tileinkað þriðja sunnudag í nóvember þessum minningardegi. Hér á landi er jafnframt lögð áhersla á fræðslu og forvarnir. Í ár er sjónum sérstaklega beint að notkun öryggisbelta, sem geta dregið verulega úr líkum á dauðsföllum og alvarlegum meiðslum í umferðinni.

Dagskráin við Ytri-Njarðvíkurkirkju er sem hér segir:

13:40 Þyrla Landhelgisgæslunnar lendir við kirkjuna (að öllu óbreyttu)

13:45–13:55 Þátttakendur safnast saman við þyrlu og ökutæki viðbragðsaðila og tekin verður hópmynd

14:00 Kvennakór Suðurnesja flytur lagið „When I Think of Angels“ inni í kirkjunni

14:05 Minningarathöfn sett – séra Helga Kolbeinsdóttir og ræðumaður flytja stutt ávörp

Að athöfn lokinni er öllum boðið í kaffi og kleinur í safnaðarheimili Ytri-Njarðvíkurkirkju.

Allir sem vilja sýna fórnarlömbum umferðarslysa virðingu og styðja við forvarnir í umferð eru hjartanlega velkomnir.