Með sement og flugvélaeldsneyti í Helguvík

Sænska sementsflutningaskipið Sunnanvik og eldsneytisflutningaskipið Al Yamamah frá Kúveit voru í Helguvík í vikunni að losa sína farma. Al Yamamah er 49.000 tonna eldsneytisflutningaskip og 183 metra langt sem er hingað komið með flugvélaeldsneyti fyrir þotur sem fara um Keflavíkurflugvöll.

Flugumferðin um Keflavík þarf um eitt svona skip á mánuði. Sementsfarmurinn er hins vegar fyrir Aalborg Portland í Helguvík en það fyrirtæki fær að jafnaði um tvo sementsfarma í mánuði. Myndina tók Hilmar Bragi með flygildi í hádeginu á þriðjudaginn.