Gerðu athugasemdir við átta veitingastaði á Suðurnesjum
Í síðustu viku fór fram sameiginlegt eftirlit lögreglustjórans á Suðurnesjum, Skattsins og vinnueftirlitsins. Að þessu sinni var sérstaklega haft eftirlit með veitingastöðum í umdæminu.
Alls voru þrettán veitingastaðir heimsóttir í eftirlitinu en gerðar voru athugasemdir við átta veitingastaði vegna t.d. dvalar- og atvinnuleyfa starfsmanna, framtal skatta og öryggis á vinnustað.
Sameiginleg eftirlit af þessum toga eru framkvæmd reglulega í umdæminu, segir í tilkynningu frá lögreglunni á Suðurnesjum.
