Farþegaþotu snúið við vegna bilunar í vökvakerfi
Farþegaþotu United Airlines var snúið aftur til Keflavíkurflugvallar skömmu eftir flugtak, klukkan ellefu í morgun. Bilun kom upp í vökvabúnaði flugvélarinnar og var því ákveðið að lenda henni aftur í Keflavík í stað þess að halda vestur um haf.
Flugvélin lenti heilu og höldnu um klukkan eitt.
Mikið viðbragð var hjá almannavörnum, lögreglu, slökkviliði og björgunarsveitum. Viðbragðið var afturkallað skömmu eftir að flugvélin lenti, eins og fram kom á vefsíðu Rúv.
