Áningarstaðir sunnan við Þorbjörn og vestan Lágafells
Gert verði ráð fyrir stærri áningarstað sunnan Þorbjarnar í deiliskipulagstillögu fyrir Þorbjörn sem var til umfjöllunar á síðasta fundi bæjarstjórnar Grindavíkur. Þá verði jafnframt gert ráð fyrir einum til tveimur minni áningarstöðum vestan Lágafells.
Tillaga að viðbrögðum við umsögnum við skipulagstillöguna var lögð fram í bæjarstjórn nýverið, ásamt uppfærðum gögnum í samræmi við viðbrögð sveitarfélagsins. Skipulagsnefnd samþykkti viðbrögð við umsögnina 20. febrúar sl. og lagði til framangreindar breytingar á skipulagstillögunni.
Skipulagsnefnd lagði til við bæjarstjórn að samþykkja deiliskipulagstillöguna og að skipulagsfulltrúa verði falið að senda hana til Skipulagsstofnunar. Bæjarstjórn samþykkti samhljóða tillögu skipulagsnefndar.
