Markalaust fyrir norðan
Keflvíkingar sóttu stig norður á Akureyri þegar liðið gerði 0-0 jafntefli gegn Þórsurum í Pepsi-deild karla í knattspyrnu. Keflvíkingar fengu kjörið tækifæri til þess að tryggja sér sigurinn þegar liðið fékk vítaspyrnu eftir að markvörður Þórsara hafði brotið á Herði Sveinssyni. Framherjinn tók spyrnuna sjálfur en markvörður Þórs varði vel. Eftir leikinn eru Keflvíkingar í fimmta sæti deildarinnar með 17 stig eftir 12 umferðir.
