Björn Lúkas tók silfrið
- fyrsti ósigur Björns í MMA
Björn Lúkas Haraldsson tók silfrið síðastliðinn laugardag á áhugamannamóti MMA í Barein. Björn Lúkas hafði unnið fjóra bardaga í fyrstu lotu fyrir úrslitaviðureignina en í úrslitunum reyndi hann að ná andstæðing sínum, Svíanum Khaled Laallam í armlás en en Khaled varðist vel. Bardaginn fór að mestu leyti fram á gólfinu og í standandi glímu.
Svíinn sigraði úrslitaviðureignina að lokum eftir dómaraákvörðun og náði Björn Lúkas sér því í silfur. Björn Lúkas hefur unnið sex bardaga og tapað einum á ferli sínum sem áhugamaður og má gera ráð fyrir því að atvinnumennskan sé handan við hornið hjá honum.
