Bikarmeistararnir fara illa af stað í kvennakörfunni
Annað tap Keflvíkinga í röð
Annar ósigurinn í röð er staðreynd hjá meistaraefnum Keflavíkur í kvennakörfunni, að þessu sinni töpuðu þær gegn Snæfell 87:75 á útivelli. Snæfellskonur náðu strax 14 stiga forystu í fyrsta leikhluta og litu aldrei tilbaka eftir það. Mestur varð munurinn 21 stig og því sáu Keflvíkingar aldrei fram á að næla í sigurinn í Hólminum að þessu sinni.
Brittanny Dinkins var langbest Keflvíkinga með 35 stig, 12 fráköst og 6 stoðsendingar. Bryndís Guðmunds var hinn Keflvíkingurinn í tveggja stafa tölu með 17 stigum. Eftir tvær umferðir eru Keflvíkingar á botni deildarinnar án sigurs, en fyrir mót var þeim spáð Íslandsmeistaratitli. Þær eru ríkjandi bikarmeistarar síðustu tveggja ára og nýverið meistarar meistaranna.
Tölfræðin úr leiknum
