Reykjanesviti - Valahnúkur og hálfvitinn

Fyrsti viti á Íslandi var reistur árið 1878 og var staðsettur uppi á Valahnúk á Reykjanesi.

Árið 1896 urðu jarðskjálftar sem röskuðu undirstöðu vitans og varð þá ljóst að byggja varð nýjan vita. Sá viti sem nú stendur var reistur árið 1907 en kveikt á honum 20. mars árið 1908. Vitinn skemmdist töluvert í jarðskjálfta árið 1926. Vitinn er 31 metra hár (22 metrar upp á pall), og stendur á Bæjarfelli, nokkuð upp af Valahnjúk, þar sem fyrsti vitinn stóð. Þeirri staðsetningu fylgdi þó sá galli að Skálafell skyggir á vitann séð úr suðaustri.

Þess vegna var reistur annar lítill viti úti á Skemmum og kalla sumir hann hálfvitann vegna smæðar sinnar samanborið við stóra bróður.