Sýningin „Litið í baksýnisspegilinn“ opnar í Duus safnhúsum

Ný ljósmyndasýning verður opnuð á Ljósanótt þar sem staldrað er við helstu vörður bílvæðingar á Suðurnesjum og litið til skemmtilegra augnablika sögunnar.

Sýningin dregur upp leikræna og fræðandi mynd af þeim miklu breytingum sem urðu á samgöngum, atvinnulífi og ferðalögum frá því að fyrsta bílferðin var farin frá Hafnarfirði til Keflavíkur árið 1913.

Sýningaropnunin fer fram í Duus safnhúsum fimmtudaginn 3. september á milli klukkan 18:00 og 20:00 og eru allir velkomnir.