Sprengingar í Sandgerði á föstudag

Föstudaginn 6. febrúar og síðan aftur um miðja næstu viku eru fyrirhugaðar léttar sprengingar á klöpp á opnu svæði sunnan við Lækjamót í Sandgerði. Framkvæmdin er í tengslum við gerð drenþróar sem tekur við yfirborðsvatni á svæðinu og er hluti af umbótum á fráveitu og yfirborðsvatnslausnum á Lækjamótum.

Við sprengingarnar verða gefin þrjú stutt hljóðmerki til viðvörunar áður en skoti er hleypt af. Íbúar í næsta nágrenni hafa fengið sérstaka tilkynningu vegna framkvæmdanna.

Sprengivinnan verður framkvæmd af viðurkenndum sprengistjóra og í samræmi við gildandi öryggis- og verklagsreglur. Leitast verður við að halda ónæði í lágmarki á meðan framkvæmdum stendur.

Íbúar eru beðnir um að sýna framkvæmdunum tillitssemi meðan á þeim stendur, segir í tilkynningu frá Suðurnesjabæ.