Snarpar veðurbreytingar í dag

Það verða vart skarpari andstæður í veðrinu en þær sem ganga yfir Suðvesturland í dag, fimmtudaginn 26. febrúar. Veðurfræðingurinn Einar Sveinbjörnsson hjá Blika.is segir að „sannkölluð hnífsegg“ liggi yfir landinu þar sem tiltölulega milt suðlægt Atlantshafsloft mætir jökulköldu heimskautalofti að vestan.

Samkvæmt lýsingu Einars eru kuldaskil á leið yfir með bakkanum sem fylgir þeim: uppstreymi, rakaþétting og úrkoma – að mestu snjókoma. Hann bendir á að austan skilanna verði suðaustanátt, en vestan þeirra gagnstæður vindur úr norðvestri, auk þess nokkuð hvass.

Skörp breyting í Keflavík

Einar dregur sérstaklega fram að í Keflavík sé spáð um +4°C fram yfir hádegi, en að undir kvöld kólni niður í kringum -4°C, samhliða því að vindur snúist þegar kalda loftið sækir á.

Veðurspá fyrir Keflavík í dag styður þessa mynd: hæg- til hvassviðri sem verður sterkara, úrkoma sem færist úr rigningu yfir í éljagang og votan snjó síðdegis og lágmark um -5°C í nótt.

„Ekki undarlegt að eitthvað verði undan að láta“

Í færslu sinni nefnir Einar einnig hversu mikill hitabratti sé í háloftunum (í 850 hPa-fletinum), sem undirstriki hve kröpp skilin eru – og að því sé „ekki undarlegt að eitthvað verði undan að láta“ þegar svona öflug loftmót verða.